Notarja e K.S.U. OTRILA, Hana Beiqi, përfaqësoi Kosovën në Lojërat Mesdhetare Taranto 2026, duke zhvilluar paraqitje të mira në një nga ngjarjet më të rëndësishme sportive të Mesdheut.
Në garën e saj në disiplinën 50m Delfinë, Hana arriti kohën 28.09 sekonda, duke vendosur një rekord të ri shtetëror të Kosovës.
Në disiplinën 50m Shpinë, ajo regjistroi kohën 30.31 sekonda, duke u renditur në vendin e 12-të.
Pjesëmarrjen në Lojërat Mesdhetare Hana e përmbylli me garën në 50m Stil i Lirë, ku arriti kohën 26.72 sekonda dhe u rendit në vendin e 13-të nga 22 pjesëmarrëse. Koha e saj ishte vetëm 7 të qindtat e sekondës larg rekordit shtetëror.
Përtej rezultateve individuale, pjesëmarrja në Taranto 2026 përbën një përvojë të rëndësishme ndërkombëtare për Hanën dhe një tjetër hap në zhvillimin e saj sportiv. Në të gjitha disiplinat ku garoi, ajo tregoi përkushtim, karakter dhe konkurrueshmëri, duke përfaqësuar Kosovën në një nivel të lartë ndërkombëtar.
K.S.U. OTRILA vlerëson këtë pjesëmarrje si një dëshmi të progresit të vazhdueshëm të Hanës dhe të punës së bërë gjatë viteve. Rezultatet e arritura në Taranto shërbejnë si motivim për vazhdimin e punës dhe për vendosjen e objektivave të reja në garat e ardhshme ndërkombëtare.
Klubi e përgëzon Hanën për paraqitjet dhe rekordin e ri shtetëror, duke i uruar suksese në vazhdimin e karrierës së saj sportive.
