Hana Beiqi përzgjedhet në listën e 10 më të mirëve në sport dhe bashkohet me “Shpresat Olimpike”
Hana Beiqi, një nga talentet më premtuese të sportit në Kosovë, ka arritur një tjetër sukses të jashtëzakonshëm në karrierën e saj. Ajo është përfshirë në listën prestigjoze të “10 Shpresave Olimpike 2025”, një iniciativë e Komitetit Olimpik të Kosovës (KOK) që mbështet sportistët e rinj me potencial për të arritur suksese të mëdha në arenën ndërkombëtare.
Ky është rezultat i angazhimit të saj të palodhur, përkushtimit dhe dedikimit në çdo stërvitje, si dhe rezultateve të shkëlqyera që ka arritur në garat ndërkombëtare. Hana, e cila ka treguar talent të jashtëzakonshëm në sportin e not, ka vazhduar të përmirësojë performancën e saj, duke treguar se ka aftësinë për të konkurruar me më të mirët në botë.
Përzgjedhja e Hanës si një nga “Shpresat Olimpike” është një shpërblim për gjithçka që ka investuar deri tani në karrierën e saj. Ajo bashkohet kështu me 9 sportistë të tjerë, të cilët janë selektuar nga Komisioni i Sportit i KOK-ut, pas analizës së rezultateve ndërkombëtare dhe potencialit të tyre për të arritur sukses në të ardhmen.