Në Kuvendin e Punës, të mbajtur mbrëmë, u prezantua raporti i punës për vitin 2024, duke pasqyruar arritjet dhe sukseset e klubit gjatë këtij viti të rëndësishëm. Ky raport evidentoi përpjekjet e sportistëve, trajnerëve dhe të gjithë atyre që kanë dhënë kontributin e tyre për të ngritur klubin në nivele më të larta.
Një pjesë e rëndësishme e takimit ishte diskutimi dhe miratimi i planprogramit për vitin 2025, i cili përfshin objektiva të qarta për zhvillimin e mëtejshëm të klubit dhe mbështetjen e sportistëve për të arritur rezultate edhe më të mira. Pjesëmarrësit ndanë ide, plane dhe vizione që synojnë fuqizimin e mëtejshëm të komunitetit sportiv.
Gjatë kësaj mbrëmjeje të veçantë pune, u shpërndanë mirënjohje për të gjithë sportistët, trajnerët, mbështetësit dhe bashkëpunëtorët që kontribuan në sukseset e klubit gjatë vitit 2024. Ky moment simbolik ishte një shenjë falënderimi dhe vlerësimi për përkushtimin dhe punën e palodhur të gjithsecilit.
Takimi u përmbyll me frymë bashkëpunimi, optimizëm dhe energji pozitive për sfidat që na presin në vitin 2025, duke shpresuar për suksese të reja dhe një vit të mbushur me arritje. Falenderojmë të gjithë ata që ishin pjesë e këtij rrugëtimi dhe që vijojnë të mbështesin klubin tonë me pasion dhe përkushtim!
“OTRILA – More than a club, it’s a family that swims together, grows together.”
